Manchester United i gatshëm të paguajë klauzolën e trajnerit të Sportingut

19:02 | 29 Tetor 2024
D.H

Manchester United është i gatshëm që të paguajë klauzolën e Ruben Amorim te Sporting Lisbonas.

Kështu ka bërë të ditur gazetari Fabrizio Romano, që ka thënë se Djajtë e Kuq do të paguajnë 10 milionë euro për ta liruar trajnerin nga kontrata me klubin portugez.

“Manchester United është i vendosur të paguajë klauzolën e largimit prej 10 milionë euro që Ruben Amorim të bëhet trajner i ri, konfirmon Sporting Lisbona”, ka thënë Romano.

“Klubi portugez sapo ka lëshuar komunikimin zyrtar të marrë nga Man Utd për emërimin e Amorimit”.

“Manchester United informoi Sportingun për planin për të paguar klauzolën e largimit prej 10 milionë eurosh… siç e ka pranuar tashmë Amorim”.

“Amorim tashmë i ka thënë po propozimit të Man Utd pasi kontaktet pozitive mbi projektin u zhvilluan këtë javë”, ka shtuar më tej eksperti i transferimeve.

 

Shpërndaje në rrjete sociale

Lajmet më të lexuara

Të ngjashme

Foto lajm